Ég skellti mér í heimsókn til Katrine í dag. Stelpan átti afmæli í sl viku svo ég keypti litla sæta ammlisgjöf handa henni. Þar að auki er hún nýflutt að heiman svo ég þurfti að kíkja á húsakynnin. Þegar við sátum heima hjá henni, drukkum kaffi og spjölluðum varð mér hugsað til þess þegar ég kom til Danmerkur. Hún var fyrsta manneskjan sem ég kynntist. Ég kom með allan minn farangur askvaðandi inn á herbergið sem átti að hýsa mig næsta hálfa árið í fylgd Tomasar sem er 1276 x ég að stærð á alla kannta. Það fyrsta sem hún sagði við mig var að hún hefði verið farin að hafa áhyggjur af því að ég kæmi ekki! Við töluðum ensku. Svo þurftum við að gjöra svo vel að búa saman... venjast háttum hvor annarrar og taka tillit til þess að við vorum kannski alls ekki og engan veginn sammála um allt (sem er einmitt það besta við að vera á hojskole). Ég þurfti að venja mig við að sofa við hrotur á hverri nóttu ( hún er 180 cm á hæð og hrýtur eins og hún fái borgað yfir það á nóttunni) og hún mátti gjöra svo vel að hlusta á ýlfrið í mér. Hún þufti að sætta sig við það að þegar ég kom heim af djamminu hellti ég vatni yfir allt.. (fyrir utan rúmið hennar -mitt rúm fékk að votna) og tæmdi fataskápa til að leita að einhverju sem ég vissi ekki hvað var. Ég talaði enga dönsku til að byrja með. . svo eftir mánuð tók ég þá ávörðun að .. nú yrði ekki töluð meiri enska í kringum mig. Og allir hættu að tala ensku við mig... þar á meðal hún. Það tók við tími misskilnings og handapata. En ég gaf mig ekki.. ENGIN ENSKA TAKK ;/ Eftir 2 mánuði vorum við farnar að skilja hvor aðra aftur. Hún bauð mér í heimsókn hingað til Aarhus þar sem við fórum á djammið og hún varð að hreinsa heila seven eleven búð eftir mig!! Ég vildi jú sjálf setja tómatsósu á pylsuna mína :) ... mér varð hugað út í þetta allt þegar við sátum þarna á sófanum og töluðum um heima og geima án þess að eiga í nokkrum vandræðum með að skilja hvor aðra. ... mikið vatn runnið til sjávar á einu ári..

Spáin er slæm fyrir næsta sólarhring. Snjóstormur í vændum og þá er jú lestarkerfið í hættu. Ef ég kemst ekki til landsins fyrir jól langar mig að óska ykkur góðra jóla og við sjáumst í sumar.

posted by xxx @ 18:54